Anteriuras scheffas e schefs dal departament
2010-2015 Eveline Widmer-Schlumpf
1974-79 Georges-André Chevallaz
1873-75 Wilhelm Matthias Naeff
1869 Jean-Jacques Challet-Venel
1864-67 Jean-Jacques Challet-Venel
1862-63 Melchior Josef Martin Knüsel
1855-56 Melchior Josef Martin Knüsel
Dal «Departament da finanzas» al «Departament federal da finanzas DFF»
La designaziun uffiziala dad oz «Departament federal da finanzas DFF» datti pir dapi l'onn 1979. Cur ch'il stadi federal svizzer è vegnì fundà l'onn 1848, ha surpiglià il cusseglier federal Martin J. Munzinger il «Departament da finanzas» sco emprim tgirader uffizial da las finanzas. 35 onns pli tard, l'onn 1873, è il Departament da finanzas vegnì reunì – sut il cusseglier federal Johann Jakob Scherer – cun il «Departament da commerzi e da duana» da quella giada ed è vegnì nominà «Departament da finanzas e da duana». Questa designaziun ha valì durant passa 100 onns. La fin dals onns 1970 ha la regenza decidì d'unifitgar tut ils nums dals departaments. Da nov stuevan las designaziuns da tut ils set departaments cuntegnair las noziuns «federal» e «departament». Sut il cusseglier federal Georges-André Chevallaz è la finala resultà il DFF. La duana, exactamain la «Administraziun federala da duana AFD», è restada tar il departament en il rom da questa midada dal num.